أبو شلبك في الجيم
أبو شلبك في الجيم
كتب : محمد هارون
***
بعد أن إزداد لهاثه كلما مشى بعض الأمتار وبعد أن امتد كرشه لعدة بوصات إلى الأمام وأيضاً بعد الحاح العائلة الى ضرورة الانتباه للصحة، قرر أبو شلبك مقاطعة الفيسبوك والإبتعاد عن مشاهدة الأخبار القادمة من الفضائيات العربية، ولكن ذلك لا يكفي لمعالجة تلك السمنة المفرطة غير المفاجئة، وذلك كما أكد له طبيب العائلة.
” يجب أن تذهب للجيم يومياً ” هذا ما أصر الطبيب عليه . امتثل أبو شلبك للأمر واشترك بأقرب جيم جميل بجانب بيته حيث يوفر المواصلات ويستفيد من المشي . بدأ التمارين بارشاد من المشرفين هناك، هو اسبوع فقط ….
في الإسبوع الثاني : لاحظ ( الكوتش ) المشرف على تمارين أبو شلبك في الجيم بأن هناك مجموعة من
” الختيارية ” يتحلقون حول ابو شلبك في زاوية الاستراحة حيث يتناول الرياضيون العصائر والقهوة بالعادة بعد التمرين، تركهم لأنه لم يفهم حديثهم أصلاً والذي كان بالعربية واعتبر بانهم في فترة نقاهة وسيعودون بعد قليل .. هذا لم يحدث، فبعد ساعة من طق الحنك.. قال ابو صفوح للجميع ( يلا نكفي بالئهوة الجديدة الئريبة من هون في ارجيلة مرتبة ).. خرجوا جميعاً.
في اليوم الثاني اجتمعت المجموعة في استراحة داخل الجيم واخرجوا ورق اللعب ( الشدّة ) وبدأ دق الطرنيب وآخرون مثل العم شكري وأبو عزيز اخرجا طاولة الزهر وبدأ النرد يتدحرج…. لم يهتم أحد من رواد الجيم بذلك. لكن عندما ارتفعت الأصوات بدأ الرياضيون بسماع أصوات غير الموسيقى واصوات ارتطام حديد الأثقال بالأرض… سمعوا
نقاشات باللغة العربية وبصوت مرتفع مثل :
صوت عربي – أبو عزيز : يا جماعة استقالة شير من رئاسة الحزب تثبت بأنه كلش حرامي سرق الفلوس ليعلم صغاره .
صوت ثاني آخر – العم شكري : لأ يا حبيبي ما فيش إثباتات لحد دلوقتي ..
صوت : أبو صفوح : يئبرني شير ما أحلى غمزاته .. يالا.. خليه يتفرغ لأولاده وعيلته أحسن.
صوت – ابو شلبك : شو رايك انه الليبرال أطقع من الكونسرفتيف !!
أبو عزيز: ليش يا عيوني ؟
أبو صفوح : كل يوم بموقف .. تابع زبزباتهم في الأمم المتحدة يوم معنا ويوم علينا !! والله ماني عارف كيف انتخبناهم !! ولعلمكم .. اللي بخاف ما بيخوف .
أبو شلبك : ما بيرميك على المر الا اللي أمر منه … يعني احنا هون بخاطرنا .. يا سيدي..شفت من يومين في بغداد كيف سحلوا الولد ؟
أبو عزيز : هاي مؤمرة لتشويه الثورة النقية .. وبعدين حبيبي ترى احنا ماشيين زين.. وماعنا رقاصات وهشك بشك وسوالف فاظية في ثورتنا .
أبو أسعد : شو يعني .. خلي كل شي مستور والناس تعمل يلي بدا اياه.. ترئص تغني تدبك المهم ” كلن يعني كلن “.
أبو شلبك : والله يا معلم كراسي وملزقة بقفاهم .. وما كفّاهم .. راحت أبدية عمي .
أبو أسعد : لا كلن لازم يروحوا ويحلوا عن سمانا .. كل الزعامات والديكتاتوريات في بلادنا هناك ومهما كان اسمها لازم تمشي .. في بلادنا هناك.. البلد اللي ما فيها ثورة فيها جوع ..واللي ما فيها جوع فيها تخلف وجهل.. كله خربان !! .. حبيبي نزل طرنيب وفكنا من كل هالحكي .
ابو شلبك : يعني احنا هون أحسن منهم !!
أبو صفوح : شو بتقصد ؟؟
ابو شلبك : اذا واحد تراس جمعية او نادي أو غيره .. بتصير اله ولجماعته .. وهات قطبها !! بظل كاعد .. لزقة كوكس الله وكيلك .
أبو اسعد : والله انتوا الفلسطينية كلكن زعما وكل 15 زلمه الهن تنظيم أو مجموعة .. هون وحتى في بلادكم .
أبو شلبك : يعني أنتو اللبنانية أحسن.. ما أنتو كلكم ما بتعبوا بيكم
pickup Truck
ولعلمك انتوا لو بتتوحدوا بكندا بتحكموها !!
أبو أسعد : ( يرتفع صوته ) ما بسمحلك تحكي عنا أبداً ..ويلي بيتوا من ئزاز ما بيرمي الناس بالحجار.
أبو صفوح : لك بلا علاك مصدّي .. كلها خربانه خلافات وانقسات هونيك وهون .. هاد مع السيسي وهاد ضده وهاد مع قطر وهاد ضدها هاد مع بشار وهاد ضده وهادا حمساوي وهادا فتحاوي و..
أبو شلبك : ( يصعّد أكثر ) اذن كلنا زي بعض وما حد يتفلسف على الثاني أحسن والله ..
يقطعه المدرب والذي انزعج من الصراخ… وبالانجليزية
Coach: Hello guysIs there any problem with the machines? I can see that you are playing cards and talking loudly .. If you don’t want to use the machines, please make space for others. This is a quiet zone .. Thank you
غادر أبو شلبك ورفاقه الجيم الى ( تيم هورتن) المجاور وكأن على رؤوسهم الطير …
عبارة واحدة خرجت من شكري : والله عيب لأمتى حنبقى فاشلين كده .. ده النجاح مدينا قفاه .
رد ابو شلبك بصوت منخفض : النجاح ليس عدم فعل الأخطاء، النجاح هو عدم تكرار الأخطاء.. وعلشان ما اكون زي صحفيين عرب كندا .. هاي العبارة مش الي… ومش فاهمها !!
ابو صفوح : خودها من الآخر .. طول عمرك يا زبيبة !!
ابو الشكر : وخد دي وحنمشي بعدها .. ديل الكلب عمره ما يتعدل !!
ابو شلبك : والله كبيره هاي عمي ابو الشكر … بزعل منك هه .
أبو الشكر: خد دي الطف شوية .. احنا مش ناقصينك يا ابو شلبك .. يموت الزمار وصوابعه بتلعب..
ابو شلبك : والله جبتها حبيبي ابو الشكر .. يا جماعة ومن الآخر .. احنا في الاول لازم نحب بعض قبل ما نعمل أي شي .. موافقين .
الكل : موافقين .
