العنوان :أبو شلبك في “الجيم “.
اللغة : لهجات عربية
المكان : مركز رياضي ( الجيم ) بميسيساغا اونتاريو .
الزمان نهاية تشرين ثاني – نوفمبر 2022
كتب : محمد هارون .
*******************
بعد ان ترهل كرش ابو شلبك، والناجم عن ازداياد مضطرد في التهام الكنافة والمناسف والطبايخ المتنوعة الشهية، أمره طبيب العائله بتناول دواء خاص بالسكري وممارسة الرياضة وقد جاء هذا متوافقا مع تعليمات صادرة من زوجته لواحظ “أم شلبك” والتي تزور الجيم يوميا لممارسة رياضة طك الحنك مع رائدات الجيم من الكنديات العربيات ، وتوافقا مع مجريات كاس العالم في قطر . توجه أبو شلبك إلى المكان المخصص للراحة في إحدى زوايا (الجيم ) حيث مكان مخصص لتناول المرطبات لرواد الجيم بعد الانتهاء من التمارين، وفي الصالة نفسها شاشة عملاقة تعرض مباريات كاس العالم 2022 بقطر …. شكري صديق أبو شلبك يتابع على ” الموبايل ” باندهاش .
أبو شلبك : تحياتي أبو الشكر كيفك شو أخبار الرياضة معك .. شو عم بتابع كاس العام ؟
شكري : أهلاً أبو شلبك …لأ .. صحيح هو انت لحقت تتمرن عشان جاي ترتاح !!!
ابو شلبك : بيكفي عشر دقايق .. هو يعني انا راح أصير بيج رامي Big Raimy ؟؟
شكري : يا عمنا… ممكن تتمرن نص ساعة على الأقل .. ما انت صرت واصل هنا .
أبو شلبك : انسى الموضوع وخلينا بالمفيد .. على شو مبحلق بالموبايل يا شقي !!
شكري : لا ما فيش حاجة مهمة.. بس بشوف واحد كاتب موضوع على الفيسبوك العنوان حاجة والصورة حاجة تانية والمضمون حاجة تالتة.
ابو شلبك : طول بالك .. السوشيل ميديا صارت ملطشة لكل من هب ودب .
شكري : فعلا ..وكمان اكتر من واحد عاملين نفسيهم الكابتن محمد لطيف .
أبو شلبك : يأخي خلي الناس تعطي رأيها شو المشكلة .
شكري : أعطِ رأيك وانطباعك أنت حر .. لكن تبدا تحلل وتشتم ..حاجة تقرف .
– يصل اليهما صديقهما الدكتور سليم .
د. سليم : “بنسوار” شباب شو صاير معكم… شو هيدا اللي بيئرف؟؟
أبو شلبك : ما في شي .. المهم كيف تمرينك خلصت ..تحممت؟ اجيبلك اشي تشربه؟
سليم :ما بدي شي.. شكرا ..الحمد لله كله تمام .. العبت وعرقت وعملت “دوش” ميه سخنه .
شكري : وبتقلي ترودو أي كلام .. اهو رياضة ودفا ومية سخنة مش زي هناك !!
سليم : حبيبي .. دخيل عرضك.. خلينا هون … عن جد عن شو بتحكو ؟
أبو شلبك : عن بلاوي السوشل ميديا.
سليم : يا جماعة احكيلكم شغلة مهمه… السوشيل ميديا من الآخر .. هاي زي كل شي جديد ممكن يضر وممكن يفيد.
شكري: إزاي يعني ؟
سليم : انا بشوف ناس بتحط “لايك” على شي مش فاهمة شو هو!! .. يا عمي اقرأ أول شي بعدين بتعلق ..وكأنها مجاملات اليكترونية .
شكري : خصوصا اذا صاحب “البوست” وحدة ست !!
أبو شلبك : أو مديرك بالشغل !!
سليم : هاي بسيطة .. الأخطر من هيك انه واحد سارق شعر للمتنبي وكاتب اسمه تحته .
شكري :كاتب اسم المتنبي ؟
أبو شلبك : لأ كاتب اسمه هو ..السارق يعني .. ركز معانا يا ابو الشكر الحرامية كثار وخاصة اذا كانوا محسوبين على أهل الكتابة والصحافة.
سليم : من الآخر الأمانة العلمية بتتطلب ذكر اسم الكاتب الأصلي بوضوح …ومصدرك من وين ؟؟ يا جماعة اضعف الايمان ان تكتب تحت الكلام اللي نقلته كلمة منقول وخاصة اذا ما كنت عارف صاحب
” البوست” الأصلي.
شكري : أمانه علمية .. ضحكتني يا دكتور سليم وأنا مش عايز اضحك … انا اقولك حاجة .. انا قادر اجمعلك مئات وحتى آلاف المعجبين “ببوست” واحد.
أبو شلبك : هات يا أبو التكنولوجيا .. كيف ؟
شكري : نزل صورة ست أو أكتب عنوان مستفز أو أشتم جهة معروفة أو احكي نكته وسخة أو شغل حساباتك الوهمية وغيره وغيره .. بكده راح تصير أشهر من كيم كردشيان
سليم : مين كيم كردشيان .. اقصدك مارك زوكربيرغ، تبع الفيسبوك .
شكري : انت خليك بصحة الناس، مش بصحبتهم !!
أبو شلبك: على سيرة الصحبة .. شايفين صاحبي اللي قاعد على الطاولة اللي جنب المدخل .. اللي لابس طاقية وحاطط لفحة ملونه على كتفه ومربي لحية .
سليم : هيدا كانه قاعد بالحديقة بايام البرد .. مدفي حالة تمام ..
شكري : بس احنا بالجيم والمكان حر .
ابو شلبك : يا عمي هادا فنان .
شكري : يعني الفنان لازم يلبس كده .
ابو شلبك : روح لعنده واستفسر منه..بلكي بهدلك !!
شكري : انت بتهرج يا ابو شلبك وأنا مالي انا شاء الله لابس كده ولا ماشي ملط..
سليم : مش محرزة .. يا عيوني اسمعني ، انا بعتقد انه الفنان يجب ان يسبق السياسي في التفكير والانجاز …وهادا الفنان كسر هاي القاعدة الساطعة .
شكري : اقولك حاجة ..أنا مش فاهم حاجة .. خلينا بالفيسبوك أحسن… أنت يا دكتور سليم خليني أسألك بالكورة أحسن .. انت أه رأيك بالديضوي والفناجيلي وصالح سليم ؟
سليم : ما بعرفهن !!
شكري : حلو الكلام .. وأنا بحترمك .. لأنك قولت انك ما بتعرف .. المشكلة أنه أي واحد على الفيسبوك بيعطي مش رأيه بس.. ده بيحلل كمان وهو مش عارف الكورة من كوز الدرة .
سليم : المهم اتركنا من المهرجين والكزابين .. أبو شلبك قولي أنت بتشجع أي فريق بدورة قطر اليوم .
أبو شلبك : أنا بشجع ايطاليا فريقي المفضل .
شكري : ايطاليا !! دي ما تأهلتش لقطر ..أنت بتقصد المانيا ؟
ابو شلبك : أنا عارف شو بحكي، يعني الفريق الايطالي اللي بيلعب فيه ماردونا و بيكنباور وروسي.
شكري : والله يا أبو شلبك .. أنت من معرفتك بالصحابة بتصلي على عنتر …. خليك ساكت أحسن.
سليم : والله انا مع شكري .. خليك ساكت أحسن .. شغلة ما بتفهم فيها ما تحكي فيها .
أبو شلبك : انا راح اسكت لأنه ما بعرف بالفطبول … لكن أنا شو بدوه يضمن لي، الناس اللي بتحكي بالسياسة والإقتصاد وهي مش عارفه حاجة ، انها تخرس خالص .
شكري : دي مش بايدي .. دي عند ربنا .
سليم : يا عمي هاي ثقافة وتربية واحنا جماعتنا !! ما راح أحكي شي .. بس بدي اذكركم بالمشجعين اليابانيين بعد مبارياتهم بملاعب قطر .
ابو شلبك : شو كانوا ببيعوا بالملعب بليلا وشبس وكولا.
سليم : أبو شلبك كول هوا !!!
شكري : سايق عليك النبي تخرس خالص.
أنتهت
