شباك ابو شلبك
بعنوان : انا الأول ..
اللغة المستخدمة : عدة لهجات عربية .
المناسبة : نزعة الأنا المتورمة .. ظاهرة غبية هنا وفي البلاد الأصلية
المكان: غرفة غيار الملابس بمركز لتدريب االتايكوندو .
الشخصيات : ابو شلبك وأصحابه سليم وشكري وأبو صفوح
كتب : محمد هارون .
***
بعد خروج ابو شلبك وأصحابه من التمرين الأول لدورة التايكوندو والتي اقامها مجانا لكبار السن، مركز الكمال الرياضي في تورونتو .. بعد خروجهم من الصالة توجهوا الى غرفة غيار الملابس .
****
ابو شلبك : والله يا شباب بعد هالتعب الفظيع …صار بدها دوش مي سخنه..يالله عشر دقايق وبنلتقي بره النادي.
ابو صفوح : ولك يا الله نروّح …. يا زلمه مش محرزة دوش وضراب السخن ..انا والله ما تعبت ولا عرقت حتى!! .
شكري : ابو شلبك .. الكابتن كمال اداناه حتة تمارين خفيفة كده … والشغل التقيل جاي .
سليم : طبيا ورياضيا كل اللي اخدناه اليوم الف باء التايكوندو يعني شوية حركات ….والله شكلك يا ابو شلبك كانك بدك توفر شامبو ومية الدوش في البيت .. يا عمي انت مش بالاردن روح تدوش و تحمم ميت مرة مين سال فيك ما في اكتر من المي بكندا.
شكري : يعني بلبنان المية والكهربا زي الفل!!
ابو صفوح : شكري ما تستعرض علينا ..يا خوفي جماعة هيلا سيلاسي يسكرو النيل عليكم .
شكري : مين اللي يقدر ياخد النيل مننا اصلا ً ..وبعدين مين هلي لويا .. ده؟
ابو شلبك: يعني لو دخلت عملت دوش لصرت مخلص…يا سيدي بلاش من الدوش ..هاي قعدة على الديسك ..خلص بنتحمم بالبيت .
سليم : ابو شلبك شوفتك بتاخد وبتعطي مع الكابتن كيمو مدير المركز ..شو في معرفة قديمة بينكم ؟
ابو شلبك – انعجء : شوف الكابتن كيمو صديقي من زمان من تسعطعشر سنه و عنده تسعة فان ..
ابو صفوح – مقاطعا : بلا مؤاخزة منك ابو شلبك ..مش تسعة فان.. الصح تسعة دان ..الفان هاي سيارتك اللي مشغلها اوبر.
ابو شلبك : خلينا بموضوعنا المهم هو معه معه هاي هاي التسعة .. وانا معي الحزام الذهبي.
شكري : والحزام الناري ده اخدته من اي كوريا الجنوبية والا الشمالية؟.
ابو شلبك : الحزام الناري لخصرك!!! ولك انا معي الحزام الذهبي نمبر ون .. و هادا الحكي صار له زمان ..لما فزت على الطنبور والدسوقي بعمان .
شكري : محسستني انهم راية وسكينة !!مين دول؟
ابو شلبك: هذول أبطال الأردن والشرق الاوسط بالتايكوندو من زمان .
سليم- ساخرا : خليني قوم فل من هون قبل ما تكسّرنا .. ابو صفوح وشكري يا ديعاني عليكم .. انتبهوا على عحالكن !! .
ابو صفوح : انا كنت بتابع الرياضة شوية زمان .. وعلى حد علمي انه الطنبور والدسوقي من لاعيبة البوكس الملاكمة يعني .
ابو شلبك : شو فرقت ..كله ظرب وتطبيش ولمعلوماتك كانوا نمبر ون .
سليم : حكاية نمبر ون هيدي شغالة من زمان وزادت هاليومين… وكل واحد عنده مشروع يا دوبك قطع في خطوتين صار يقول انا نمبر ون .
ابو صفوح : صحيح والله وبكندا كمان ..واحد بقول اول جريدة وواحد تاني بيقول هو اول معرض كتاب وغيرة اول مطعم شاورما وعاشر بيقول انه أول محموعة ثقافيه عربية بكندا وغيره صاحب اول موسوعة!!! مش عارف ..كلهم اوائل ..لك مين التاني ولاووه ؟
سليم : اسمعت عن شاعر كندا الأول!! .. مني عارف شو بدنا نقول للزحلاوي ابراهيم ابو نادر يللي هاجر لكندا قبل اكثر من ميت سني .
ابو شلبك : طيب لما محمد رمضان يقول هو نمبر ون شو بدي نحكي عن السيد الضيزوي وصالح سليم.
شكري : كويس اللي هما ماتوا ..كده احسن ما يسمعوك انت ومحمد رمضان … الضيزوي وسليم بتوع كورة .. ابو شلبك سايق عليك النبي ما تتكلمش بالفن خليك بالتايكوندو والطرطور بتاعك. .
ابو شلبك : الطنبور!! خليك أديب أحسن الك … بعدين هي وقفت عليّ …ما هي كل الناس بتحكي وبتنظر بالفن وبالرياضة وبالسياسة وكله خرط وعرط.. وما حدا حاكي معهم وازيدك من الشعر تلاتعشر بيت.. هيهم صارو زعما لعربنا هون وهناك …شرف تفضل روح انتقدهم .
ابو صفوح : صحيح روح انتقد يلي بس بمنعوا التدخين والخمرة على الناس اللي اقل من طمنطعش سنه وشغالين على الأولاد في المدارس بحجات تانية سخيفة ومابتفوت العقل.. . التربية والاخلاق العالية مطلوبه .
سليم : بتعرفوا شو اكتشفت من يومين تلاته .. انه في بشر أوطى من بحيرة لوط ، بيقولوا انهم ” أحياء في البحر الميت ”
ابو شلبك : خليني اعتذر من المبدع مؤنس الرزاز زميلي في المدرسه من زمان .. حكيت معه من يومين اطمئن عليه .
سليم : هون ما في مسخرة الزلمة صار الله ميت اكثر من عشرين .. مطلوب شوية صدق واخلاق يا حبيبنا .
شكري مقاطعا : انما الهمم الاخلاق ما هبوا فان هم هبوا ذهبوا .
سليم : من شان الله سيبك من شوقي والشعر واشعر معنا قبل ما يهر شعري .
صوت من الخارج : تعلن ادارة المركز بان الدوام قد انتهى وعلى الجميع المغادرة فوراً ونذكّر حضراتكم بأن هذا المكان مخصص للرياضة، اما طق الحنك ففي المقهى المجاور ً.
شكري : يالله حنمشي ..خليني الحق مسلسل سفاح الجيزة.
سليم : وانا وانت يا ابو صفوح خلينا نلحق ، مسلسل كريستال وشو صار مع كان وأخواتها قصدي فيّ واخواتها.
ابو شلبك : هذول شو بخرفوا …عل كل حال .. برجع بقول : انا الأول.. أنا وبس والباقي خس!
سليم وشكري : احنا خس !!
ابو صفوح : و أنا بقول .. طول عمرك يا زبيبة !!
