لماذا يكون الحضور ضعيفاً في الأمسيات الثقافية العربية الكندية ؟.

شباك أبو شلبك

من سلسلة شباك أبو شلبك.
العنوان: ندوة تستفسر … لماذا يكون الحضور ضعيفا في الأمسيات الثقافية العربية الكندية ؟.
اللغة المستعملة اليوم: الفصيحة وبعض العامية. ( الشامية والمصرية)
نشاط ابو شلبك: مدعي ثقافة وليس لديه عمل كما وإنه محبط من حال العرب.
المناسبة: وهل يحتاج المحبط إلى مناسبة كي يثرثر ؟
الزمان : خريف 2024
المكان : قاعة في ميسيساغا- اونتاريو يقام فيها نشاط ثقافي مهجري.

******
كتب: محمد هارون.
-أبو شلبك في الممر المؤدي لقاعة الندوة يسير مهرولاً وخلفه الأصدقاء شكري وأبو صفوح.
ابو شلبك بصوت منخفض: شدوا شوي إحنا تأخرنا على الندوة .. وكأنه الندوة يا شباب قد بدأت .. ما في صوت هدوء … يلا استعجلوا.
شكري بعد أن دخلوا القاعة : ما شاء الله والحمد لله أنه لحقنا 3 كراسي فاضيه !!
أبو صفوح : شو عم بتستزرف وبتنكت حضرتك .. صحيح كل اللي في القاعة بما فيهم احنا ما بيجوا عشرة .. بس الخير بالجاييين على الطريق ؟؟
ابو شلبك : فعلا لسا بكير اليوم ظروف المطر والبرد اخرت الناس شوي .
شكري : يا عمي انت قلت الساعة سبعة ومتاخرين.. ودي الوقتي الساعة سبعة وتلت… وتلتين القاعة تصفر فيها !! وبدون أفوره مرة تانية.. احنا مش ناقصين يا عمنا.
– يتقدم المضيف مدير الندوة على الميكرفون : نعتذر عن التأخير وسنبدأ بعد 5 دقائق.
شكري: هانت.. صبرنا كتير وربنا يسهل .. يميل على ابو صفوح وبصوت منخفض : مش لو رحنا عالقهوة واخدنا نفس شيشه كان أحسن .
أبو صفوح : معك حق .. والله احيانا أنا بدي اتبرا من هالامه الفارطة بعد اللي عم يصير هناك.
أبو شلبك يدلو بدلوه : بس دير بالك في أشراف هناك بترفع راسك فيهم .
ابو صفوح: فعلاً .. بس زي مين بالله ..
ابو شلبك : مفكرين وأدباء وعلماء كتير منهم في مصر وسوريا والعراق وفلسطين وبقية المبدعين في بلاد العرب.. ما بدي اعد حتى ما انسى حد .
شكري : وما تنساش الناس العاديين اللي بيضحوا بارواحهم بفلسطين ولبنان وأماكن تانية.
ابو صفوح : والله والنعم منك ومنهم .. ما شاء الله .. بس والله انخزلوا يا ابو الشكر!!
.. بدنا وحدة … ( يقطعه مدير الندوة )
– السيدات والسادة الحضور .. نرحب بكم أجمل ترحيب ونقدم لحضراتكم اسماء من سيشارك بندوة اليوم وهم : السيدة الأديبة جورجيت وديع والكاتب طه مصطفى الدمنهوري والشاعر محمد رضوان الرباحي والمفكر فارس القادري.
ابو صفوح : الله محيهم الشباب.
شكري تصفيق وتصفير : يا مساء الورد على الغاليين.
ابو شلبك : هدوا شباب من شان الله .
مدير الندوة: عنوان ندوتنا اليوم هو حال الثقافة العربية في المهجر الكندي.

ابو شلبك : اسمح لي طالما مسموح للشعب يحكي .. لازم يكون عنوان الندوة مباشرة .. لماذا لا يحضر الامسيات الشعرية والادبية والمسرحيات المحترمة الا جمهور قليل ؟
ابو صفوح : صحيح كلام اخي ابو شلبك .. اقترحوا حلول عشان ما نضل رايحين جايين خري مري.. يعني بلا مؤاخزه من شواربكم .
شكري بصوت منخفض : اسكت يا ابو صفوح .. هو احنا قاعدين بالقهوة ؟؟
مدير الندوة : سؤال كبير .. سنحاول الإجابة عليه معاً وهو .. فعلاً .. لماذا يكون الحضور للندوات والمسرحيات العربية والأمسيات الشعرية محدوداً . وكيف نجعل النشاط الثقافي شعبياً.
ابوصفوح لشكري بصوت منخفض : نزلوا عشاء وشوية مشروب ورقاصة .. وشوفوا الحضور
شكري : نسيت الشيشة يا باشا .
أبو صفوح : انت اللي بتجيبا من الآخر .
– يدور النقاش طويل ومعمق بين المشاركين ومع الحضور والذي يتركز على مقترحات لجلب الجمهور الى الأنشطة الأدبية … وبعد ساعتين من النقاش ، خرجوا بتوصيات عديدة وأبرزها :
– تطوير تعليم اللغة العربية ونشر الثقافة العربية للأجيال الجديدة في المجتمع العربي الكندي بوسائل متنوعة وخاصة من خلال الجمعيات والأندية والروابط والسفارات العربية في أتاوا .
– التواصل مع وسائل الإعلام الناطقة بالعربية في كندا بتوفير برامج تعليمية وتثقيفية جاذبة لربط الشباب العربي الكندي بلغتهم ووطنهم إسوة ببقية المجتمعات الأثنية في كندا .
– المتابعة مع الحكومات الكندية ( البلدية والمقاطعة والفيديرالية ) ومع النواب العرب في البرلمان الكندي بتطوير البرامج الخاصة بتعليم اللغة العربية للنشء الجديد .
****
بطريق العودة من الأمسية :
أبو شلبك وهو ( يسوق سيارة الفان ) : انا بشكر ربي..اني حضرت هاي الأمسية، رغم انه ظهري بوجعني من الجلسة الطويلة ، على كل حال ما راح اعيدها..رغم اني استفدت كثير، فعلا انه في ناس هون من عرب كندا برفعوا الراس .
ابو صفوح : أه طبعاً .. المثل بيقول إن خليت بليت … الثقافة ضرورة ملحة للشعوب .
شكري : اه يعني .. انت يا أبو صفوح ماغطلي فيها وعامل فيها نجيب محفوظ.. وحياة ابوك تقول لي أنت امتى آخر أمسية ادبية أو شعرية حضرتها قبل النهارده؟
أبو صفوح : لا تحرجني أبو الشكر .. صحيح أنا والماغوط كنا رفئة .. بس بصراحة أنا آخر أمسية شعرية حضرتها لما كنت مناضل .. كانت في الشام للشاعر مظفر النواب من خمسين سنة.
شكري: مين دا ؟؟
ابو صفوح : يعني .. يعني بدك تقول زي .. زي أحمد فؤاد نجم عندكم .
شكري : أحمد فؤاد نجم ..مش داه اللي بهدل وشتم المغنية بتعتنا …اسمها.. نسيت اسمها .. اللي جيت غنت بكندا من فترة قريبة.
ابو شلبك : على سيرة الفنانين اللي بيجوا لكندا .. ملاحظ معي انه ما فيش حد منهم معبي العين .
أبو صفوح : المهم يعبوا الجيب يا محترم… والله شكله انت اللي ما بتشوف.
شكري: الناس بتحضر اللي انت ما بتحضروش يا كبير .. الناس بتدفع فلوس بالهبل على الموسيقى الهلس وبتدفع اكتر على الكوميدي شوز .
ابو شلبك : كوميدي شوز!؟؟! أقصدك SHOSE OR SHOWS..
شكري : مش فارقة معايا … كله واحد.
أبو شلبك : الله يقطع شرك يا أبو الشكر انت بتجيبها من الآخر دايماً.
أبو صفوح : بتعرفوا يا شباب .. من كم يوم اجت بنت مغنية امريكانية لتورونتو اسمها تاير سويفت.. الناس دبحت حالها لتحضرها ومنهم ترودو اللي قعد يتخصوع بالحفلة .. لك حتى ابني صفوح حضرها ودفع اللي فوقه واللي تحته ليحضرها وهيو قاعد في البيت مديون ومحبط.
أبو شلبك : أول شي كلمة تاير بلاها عشان جماعة كنديان تاير ما يزعلوا منك .. البنت اسمها تايلور ..و اظن انه هاي الفنانة هي بنت المغني الامريكاني جيمس تايلور والله اعلم .
شكري : فعلاً .. انا كنت بسمعه زمان .
ابو صفوح : بلا خرط ومعط وكزب !!
شكري : يعني انت وهو نازلين هري ورغي وكزب .. جميس تايلور وجميس بوند ..ومش عارف مين!!
وانا ساكت.. يا عمي إحنا عايزين نوصل بسرعة وبلاش نضيع الوقت على الفاضي .
ابو صفوح : يلا على السريع نروح قهوة الغفير او مطعم بيت خالتي لنمخمخ .
ابو شلبك : بلاش بيت خالتي الله يرضى عليك .
أبو صفوح : يعني أنت مقاطع مطعم بيت خالتي متل ستار بوكس؟؟… اذا مقاطعه معك.
شكري : وأنا كمان.
أبو شلبك : وأنا معكم .. نروح مطعم بيت سيدي أو قهوة الغفير؟ .. تمام .. بس هلق احنا رايحين على بيوتنا أحسن.. الوقت تأخر.
شكري وابو صفوح : لأ.. ما تأخرناش …
شكري: ( تلفون شكري بيرن): ده حبيبنا حوده .
ابو شلبك : افتح السماعة .
شكري: أهلا يا حودة .. أنا مع حبايبك ابو شلبك وأبو صفوح والموبايل على ( السبيكر) ازياك وانت فين؟ …تكلمنا معك عشان تيجي معنا على الندوة الثقافية .
حودة من خلال التلفون : أنا اللي فين .. ما انتو عارفين انه أنا يوم السبت بشتغل وما عنديش وقت ارد على التلفون.. وعلى سيرة الأمسيات انا دعيكم تيجوا معايا على الصالون الثقافي الرابع بتاع تياترو العرب وهو يوم الأحد اللي جاي بميسيساغا .
شكري : اه نظامه ده ؟
أبو صفوح : يعني في عشا واللذي منه ؟؟
حودة : كاتبين بالاعلان في انه مسرح سينما وشِعر ..وكمان في بوت لك potluck.
ابو صفوح : هادا ( البوت لك ) متل طبيخ الشحادين، من كل قطر أغنية يعني صحن من كل بيت، انسى الموضوع… مش محرزة.
شكري : وأنا مشغول حبتين .
ابو شلبك : أنا ممكن اجي معك، بس في اشي بظهري بمنعني اقعد على الكرسي وقت طويل..اعذرني!
حودة : ماشي .. أنا عندي ضهر الأحد مشاركة بمظاهرة لو تحبوا تشاركونا والمسا رايح الصالون الثقافي اذا غيرتو رأيكم تعالوا… وبعدها أشوفكم بالقهوة أكيد.. موافقين .
الثلاثة معاً : أكيد موافقين وعلى القهوة جايين .
ابو صفوح لنفسه : طول عمرك يا زبيبة!! .
انتهت